PVL schedule inilabas na

INILABAS na ng Premier Volleyball League (PVL) ang schedule nito para sa Open Conference na papalo sa Marso 16 sa Paco Arena sa Maynila.

Sa opening day, u­nang masisilayan ang salpukan ng Champions League titlist F2 Logistics at Philippine Army sa alas-3 ng hapon na susundan ng bakbakan ng reigning Open Confe­rence champion Chery Tiggo at Cignal HD Spi­kers sa alas-6 ng gabi.

Sunod na papalo sa Marso 17 ang laban ng PetroGazz at BaliPure sa alas-3 ng hapon at ng Creamline Cool Smashers at PLDT sa alas-6 ng gabi.

Magpapatuloy ang aksyon sa Marso 18 tampok ang laban ng Choco Mucho at Philippine Army sa alas-3 at ng F2 Logistics at Chery Tiggo sa alas-6 ng gabi.

Tatakbo ang eliminasyon hanggang sa Marso 24.

Ang apat na mangu­ngu­nang koponan sa bawat pool ang aabante sa quarterfinals.

Ang Top 2 teams sa bawat pool ay mabibiya­yaan ng twice-to-beat advantage sa quarterfinals.

Excited na ang lahat sa pagbabalik-aksyon ng PVL partikular na sa edisyong ito kung saan masisilayan sa unang pagkakataon ang F2 Logistics.

Nasa Pool A ang F2 Logistics kasama ang Chery Tiggo, Choco Mucho, Phi­lippine Army at Cignal HD Spikers.

Magtatagisan naman sa Pool B ang Creamline, PLDT Home Fibr, PetroGazz at BaliPure.