Pontillas dagdag lakas sa Sta. Lucia Lady Realtors

NADAGDAGAN ng armas ang Sta. Lucia Lady sa nalalapit na pagbubukas ng Premier Volleyball League (PVL) All-Filipino Conference sa Mayo sa pag-anib ni dating Philippine Super Liga (PSL) star Aiza Maizo-Pontillas.

Isiniwalat nitong Biyernes ng Lady Realtors ang paglambat sa bagong sandala na aayuda kina stalwarts Mika Aereen Reyes, Shiela Marie ‘Bang’ Pineda at Amy Ahomiro.

“We are proud and excited to welcome you into the team!” pagbubunyag ng Realtors sa social media accounts. “Your leadership, skills, and character will be a boost to our 2021 campaigns! Let’s get it! #thisisStaLucia.”

Pinakahuling hinambalusan ni Pontillas, 33, at 5-10 ang taas, ang Petron Blaze Spikers sa 8th PSL Grand Prix 2020 na kinansela pagkraan sanhi ng Coronavirus Disease 2019.

Ang iba pang bagong dating sa Realtors ay sina Jonah Sabete at Kai Baloaloa. Lumipat na rin ang team mula PSL pa-PVL na magti-training camp bubble na sa Abril. (REC)