PNP napagkalooban ng P3B halaga ng kagamitan

IPINAGKALOOB sa Philippine National Police ang nasa P3 bilyong kagamitan katulad ng helicopter, truck, armas at bomb equipment kahapon, Lunes.

Kabilang na rito ang dalawang single-engine turbine choppers na nagkakahalaga ng P225 milyon mula Airbus; 31 units ng troop carriers na nagkakahalaga ng P3.1 milyon;12 units ng pick-up vehicles na tinatayang nasa P1.6 milyon; at 501 units ng combat helmets na nasa P32 milyon.

Sinabi ni PNP chief Gen. Archie Gamboa na mayroong kabuuan na pitong helicopters kung saan lilipad ang tagdalawa sa Visayas at Mindanao.

“It has been the assurance of the committee of inspection and acceptance na dapat sumusunod sa parameters during acceptance process to see to it na may compliance sa standards,” tugon nito sa isang panayam.

Layon aniya na makakuha pa ng tatlong helikopter bago siya bumaba sa pwesto sa Oktubre.

Siniguro rin nito ang nasa 2,800 units ng body cameras oras na makumpleto ang pag-testing nito. (Daris Jose)