Pingris pasok sa Gilas coaching staff

BALIK GILAS Pilipinas si Marc Pingris para sa first window ng FIBA World Cup Qualifiers na idaraos sa Pebrero 24 hanggang 28 sa Smart Araneta Coliseum.

Subalit hindi bilang player kundi bahagi ng coaching staff.

Mismong ang Sama­hang Basketbol ng Pilipinas (SBP) na ang nagkumpirma na makakasama ni Gilas Pilipinas head coach Chot Reyes si Pingris sa paghawak sa Pinoy cagers.

Maliban kay Reyes, kasama ni Pingris sa coaching staff sina assistant coaches Josh Reyes, Jong Uichico at Nenad Vucinic.

Malaki ang maitutulong ni Pingris dahil malalim ang karanasan nito sa ilang taong paglalaro sa Gilas Pilipinas.