Pinay nag-silver sa archery

SUMBLAY si Shirlyn Ligue ng World Archery Philippines (WAP) sa 543 points old world record ni Claire Xie ng USA sa women’s 60-arrow, 18-meter category, pero sinapol ang silver medal sa bare bow category ng Online Indoor Archery Series sa nagdaang linggo.

Kinapos lang ng isang puntos ang 30-anyos na grade school teacher ng Davao City at bet ng Davao Archery Club para sa nasabing marka na burado na ni Fatemeh Ghasempour ng Iran na naka-551 markers para sa women’s bare bow gold

“I just have to challenge myself,” bulalas kamakalawa ni Ligue. “And in archery I get the mental training. It’s my stress reliever.”

Ipinasok na ang naturang event ng World Archery Philippines (WAP) sa programa sa taong ito dahil sa ipinakita ni Ligue sa world archeryfest. Lalaruin na rin ang disiplina sa PH Archery Cup. (REC)