Pinas, planong gamitin ang mining revenues para sa Maharlika Investment Fund

PLANO ng Pilipinas na tapikin ang  mining industry para tumulong na suportahan ang nililikhang sovereign wealth fund.

Habang sinimulan  na ng 18-member government delegation ang World Economic Forum annual meetings hinggil sa global pitch para sa Maharlika Investment Fund (MIF), Ipinaliwanag ni Finance Secretary Benjamin Diokno na ang konsepto ng  sovereign wealth fund ay  “ordinary” lamang sa ibang bansa dahil huhugutin dito ang pondo para  sa long-term investments.

“For instance,  oil-rich countries use excess money from their oil sales for such fund. Those kinds of assets are exhaustible so you need to set aside something for future generations,”ayon kay Diokno.

Samantala, nakapag-ambag naman na ang Philippine mining industry ng  ₱102.3 billion sa domestic economy noong 2020 sa kabila ng mga hamon  na bitbit ng  COVID-19 pandemic, ang tantiya ng  Mines and Geosciences Bureau (MGB) ng Department of Environment and Natural Resources (DENR). (Daris Jose)