Pinas, nakakuha ng ₱9-B loan mula France
- Published on January 16, 2023
- by @peoplesbalita
NAKAKUHA ang Pilipinas ng €150-million o mahigit na ₱9 billion policy-based loan mula France para idagdag at gamitin sa “climate change mitigation at adaptation.”Sinabi ng French Development Agency (AFD) na nagsagawa ito ng ceremonial exchange of documents sa Department of Finance sa loan na tinintahan noong nakaraang Disyembre 29, 2022.
Naglalayon itong tulungan ang climate-vulnerable Philippines na makamit ang itinakda nitong target na pagaanin ang greenhouse gas emissions.
“France remains more than ever engaged in a race against time for the preservation of our planet, and the fight against the climate crisis that becomes a concrete and devastating reality in the Philippines,” ayon kay Michèle Boccoz, Ambassador of France to the Philippines.
“It will devote €6 billion each year, until 2025, to help developing countries, including the Philippines, finance their transition and cope with climate disasters,” dagdag na wika ni Boccoz.
Tinuran ni AFD country director Bénédicte Gazon, ang bagong loan program kasunod ng nagdaang €250 million adaptation program loan na ginamit sa pagtatapos ng 2021 para bawasan ang disaster risk sa local level.
Samantala, ang AFD loan ay sinasabing parte ng pinagsamang policy-based loan katumbas ng €390 million na nakatakdang tanggapin ng bansa.
Ang natitirang US$250 million ay manggagaling mula sa Asian Development Bank loan na nilagdaan noong Hunyo ng nakaraang taon. (Daris Jose)