PHILHEALTH, IPAPABUWAG NI DUTERTE SA KONGRESO

ISUSULONG umano ni Pangulong Rodrigo Duterte sa Kongreso ang pag-abolish o pagbuwag na sa Philippine Health Insurance Corporation (PhilHealth) sa gitna pa rin ng malawakang katiwalian sa state health insurer.

Sinabi ni Pangulong Duterte, mas mabuti ng ipabuwag ito dahil wala namang kapitalistang papatol o bibili sa korporasyong wala ng pera.

“Itong PhilHealth, I am going to propose to Congress to abolish the— Kung i-privatize mo naman, susmaryosep, walang pera. Sinong insurer niyo? Sabihin ng mga kapitalista sa insurance, ‘kami ang magbayad? Wala kayong pondo,’” ani Pangulong Duterte.

Nais din ni Pangulong Duterte na magkaroon ng mawalakang balasahan o revamp sa PhilHealth.

“Hindi na puwedeng itong mga tao na ito there already. Entrenched na. Talagang either I’m going to revamp, consider everybody resigned there and if there’s the structure we can slowly rebuild.”

Inihayag ni Pangulong Duterte na ngayong araw daw nito sisimulan ang “streamlining” sa PhilHealth. (Daris Jose)