PDu30, nagpaabot ng pakikiramay sa gobyerno ng Haiti

NAGPAABOT ng kanyang pakikidalamhati si Pangulong Rodrigo Roa Duterte sa gobyerno at mga mamamayan ng Haiti matapos yanigin nang malakas na lindol na tumama sa nasabing bansa.

“On behalf of the Filipino nation, President Rodrigo Roa Duterte extends his sincere condolences to the government and to the people of Haiti for the tragedy and devastation caused by the strong earthquake that struck Haiti,” ayon kay Presidential Spokesperson Harry Roque.

Wala namang Filipino ang naapektuhan ng lindol sa Haiti batay sa ulat ng Department of Foreign Affars (DFA).

Ang sentro ng lindol ay hindi sa Port-au-Prince, kapitolyo ng Haiti kundi sa lugar kung saan naroon ang marami sa mga Filipino.

Sa ulat, umakyat na sa 1,297 ang bilang ng nasawi kasunod ng magnitude 7.2 na lindol sa Haiti.

Naitala ang lindol sa layong 160 kilometers sa kanlurang bahagi ng capital na Port-au-Prince.

Tinataya namang aabot sa 13,600 na gusali ang napinsala kung saan higit 5,700 na katao ang nasaktan mula sa trahedya.

Nagpaabot na ng tulong ang Cuba, Ecuador, Chile, Argentina, Peru, Venezuela at United Nations.