PBBM, pinalawig ang termino ni PNP Chief Marbil ng apat na buwan

PINALAWIG ni Pangulong Ferdinand R. Marcos Jr. ang termino ni  Philippine National Police Chief P/Gen. Rommel Francisco Marbil ng apat na buwan, epektibo, Pebrero  7, 2025, araw ng kanyang pagreretiro.

Nakasaad sa  memorandum na may petsang  Pebrero 4, 2025, nilagdaan ni  Executive Secretary Lucas Bersamin, na inaprubahan ni Pangulong Marcos ang ekstensyon ng  government service ni Marbil ng lampas sa  compulsory o sapilitang retirement age na  56.

Ang  memorandum ay naka-addressed kay Department of the Interior and Local Government (DILG)  Secretary Juanito Victor Remulla.

Si Marbil, pang- 30th PNP chief, ay miyembro ng  Philippine Military Academy’s Sambisig Class of 1991. Nakuha niya ang top police post noong Abril 1, 2024.

Si Marbil ay dating pinuno sa PNP Directorate for Comptrollership at nagsilbi bilang  regional director ng Police Regional Office 8 (PRO-8) at bilang  director ng Highway Patrol Group (HPG).

Ang kanyang panunungkulan bilang  police chief ay markado ng inisyatiba ng law enforcement modernization at crime prevention. (Daris Jose)