PBBM, personal na pupuntahan ang mga lugar na isinusumbong na mayroong ghost at palpak na flood projects
- Published on August 22, 2025
- by @peoplesbalita
PERSONAL na pupuntahan ni Pangulong Ferdinand R. Marcos Jr. ang mga lugar na may bahid ng anomalya at may kaugnayan sa flood control projects.Sa katunayan, sinabi ng Pangulo na handa niyang puntahan at personal na makita ang mga isinusumbong na kung hindi palpak na flood projects ay wala naman pala talagang existing o ghost project.
Aniya, kung hindi man siya makapunta ay may mga engineer na magpupunta sa site at hihingan niya ng ulat hinggil sa kanilang nakita.
Sa kabilang dako, patuloy naman ang panawagan ng Punong Ehekutibo sa publiko na magpadala ng litrato o video na may kaugnayan sa mga kuwestiyonableng proyekto sa baha.
Malaking bagay aniya at napapakinabangan sabi ng Pangulo ang mga impormasyong kanilang natatanggap sa Sumbong mo sa Pangulo. (Daris Jose)