PBBM, pangungunahan ang pagdiriwang ng Araw ng Kagitingan sa Mt. Samat National Shrine, Pilar, Bataan

PERSONAL na pangungunahan ngayon ni Pangulong Ferdinand R Marcos Jr Ang ika- 81 anibersaryo ng Araw Ng Kagitingan na gagawin sa Mt. Samat National Shrine, Pilar, Bataan.

Sa temang “Kagitingan ng mga Beterano, Pundasyon ng Nagkakaisang Pilipino,” ilan sa mga programa kung saan  magkakaroon ng partisipasyon ang Punong Ehekutibo ay ang wreath laying ceremony.

Ilang mga foreign dignitaries din ang  nakatakdang dumalo sa okasyon mamaya at Ilan dito ay sina Charge d Affairs Heather Variava ng Embahada ng Estados Unidos.

Bukod kay Variana ay inaasahan din si Japanese Ambassador to the Philippines His Excellency Koshikawa Kazuhiko ganundin Sina Bataan Governor Jose Enrique Garcia at Dr. Emmanuel F. Calairo, Chairman, National Historical Commission of the Philippines.

Ang aktibidad mamaya ng Pangulo ang una sa mga inaasahang sunod- sunod na Presidential activities sa mga susunod pang  araw matapos na maka-  recharge at makapag- – retreat nitong nakalipas na Semana Santa. (Daris Jose)