Para sa kanila kaya ito ni Rayver?… JULIE ANNE, ipinasilip ang nabiling lote na patatayuan ng rest house
- Published on June 24, 2023
- by @peoplesbalita
IPINASILIP ni Julie Anne San Jose ang ground breaking ng kanyang nabiling lote. At sa pictures na ipinost niya, makikitang kasama pa rin niya ang rumored boyfriend na si Rayver Cruz.
Walang detalyeng inilagay si Julie Anne sa kanyang post. Pero base sa nalaman namin, halos 4,000 square meters daw ang lote nito sa Tagaytay.
Plano ni Julie na patayuan ito ng isang private rest house at do’n daw siya kapag may gagawing kanta.
Siyempre, dahil nga kasama niya si Rayver nang mag-ground breaking, may mga nag-iisip agad na baka para sa kanilang dalawa na ito, huh.
Anyway, hindi lang talaga maingay si Julie, pero balita namin, dalawang bahay na ang naipapatayo nito at nabili na rin ang mga katabing lupa.
In fairness, nakakatuwa na may kinapupuntahan talaga ang mga pinaghihirapan at pinagpapaguran niya.
Sa isang banda, this July na rin mapapanood sa mga sinehan ang movie nina Rayver at Julie, ang “The Cheating Hearts.”
***
IPINOST ni Janno Gibbs sa kanyang Instagram account ang larawan ng anak na si Gabriella Gibbs o si Gabs at ishinare rin ang feature ng @wondermagph kunsaan, napili nitong mag-open about her sexual preference.
Ayon kay Janno, “So proud of my @gabsgibbs for bravely embracing her true self. Papa’s got your back, whatever path you choose to follow.”
Sa edad na 25, sure na raw si Gabs kung ano o sino siyang talaga.
“I’m queer,” ang diretso raw na naging pag-amin niya at inamin nito na confident siya na maiintindihan at tatanggapin siya ng mga magulang, considering na expose ang mga ito sa LGBTQ+ sa klase ng trabaho.
Meron na rin itong girlfriend.
Pride month ngayon. Kung matatandaan, last year, ang anak nina Sharon Cuneta at Kiko Pangilinan na si Miel Pangilinan ang nag-come-out din as queer.
(ROSE GARCIA)