Para itulak ang BIDA anti-drugs program, gamitin ang barangay assembly- Abalos

Tinukoy ni Department of the Interior and Local Government (DILG) Secretary Benjamin Abalos Jr. ang “Buhay Ingatan, Droga Ayawan” (BIDA) program, isang  nationwide anti-narcotics drive na naglalayong labanan ang illegal drugs sa pamamagitan ng pagtuunan pa ang  “demand reduction at rehabilitasyon ng komunidad.”

Ani Abalos, kailangan na samantalahin ang mga barangay assembly na itinakda ngayong buwan para komprehensibong maipaliwanag ang programa sa kanilang mga constituents at gawing mga tagapagtaguyod ng  BIDA.

“Nananawagan tayo na gamitin nila ang Barangay Assembly Day upang mahikayat ang kanilang constituents na maging BIDA advocates at maki-isa sa ating laban sa iligal na drogat,” ayon kay Abalos.

Ang assembly para kay Abalos ay isang oportunidad para maipaabot  sa komunidad at maipaliwanag  dito ang kooperasyon o pakikipagtulungan na nais na maitaguyod ng pamahalaan sa mga ito sa laban sa ilegal na droga.

“Hiling natin na tulungan tayo ng mga kababayan hanggang sa mga barangay upang mas lumakas pa at maging epektibo ang ating kampanya sa pamamagitan ng aktibong partisipasyon sa mga susunod na  BIDA activities,”  aniya pa rin.

Sa pamamagitan ng Memorandum Circular No. 2023-032, pinaalalahanan ni Abalos  ang  local government units na magdaos ng Barangay Assembly Days kada semester gaya ng ibinigay na mandato  ng Local Government Code.

“This semester’s Barangay Assembly Day with the theme “B-BIDA KA! Barangay BIDA Ka sa Pagpapatupad ng Kapayapaan, Pangangalaga ng Kalikasan, at Pagpapaigting ng Pagkakaisa Tungo sa Isang Ligtas, Mapayapa, Maunlad at Masaganang Pamayanan , can be held in any Saturday or Sunday of March,” ayon sa DILG.

Maaari rin itong gawing face-to-face o sa pamamagitan ng blended mode (face-to-face and online).

Araw ng Sabado,  ang mga kabataang delegado  ay nakiisa sa BIDA summit sa Imus Sports Complex na inorganisa ng   Cavite provincial government, DILG, Cavite Police Provincial Office, at Cavite Provincial Advisory Group.

Sa  lecture proper,  si Pastor Ephraim Segovia, director ng  Calabarzon Battle Against Drugs,  ay nagpahayag na ang giyera laban sa  narcotics o ilegal na droga ay  itinuturing na “longest battle” na mayroon ang bansa at patuloy na nilalabanan nito.

Ibinahagi nito ang isang audio-visual presentation ukol sa  gory physical effects ng paggamit ng illegal drugs.

Samantala, inulit naman ni DILG Undersecretary for Barangay Affairs Felicito Valmocina ang magiging ambag ng youth sector  upang  makagawa ng pagkakaiba sa progreso ng bansa.

“I encourage you to participate and take part in the ongoing war against drugs campaign by the government, by simply spreading the pros and cons of using and abusing illegal drugs,” ang winika ni Valmocina sa kanyang naging talumpati.

Sinabi naman ni Col. Christopher Olazo, Cavite police director, na ang “awareness kits, flyers at posters” ay  ipinamahagi sa  buong lalawigan habang tinalakay naman sa dayalogo sa “Ugnayan sa Barangay”  ang  rehabilitation program. (Daris Jose)