Papayag kung sakaling pababalikin: ASHLEY, no regret sa lahat ng ginawa at pinakita sa Bahay ni Kuya
- Published on April 25, 2025
- by @peoplesbalita
NANG dahil sa pagiging vocal ni Ashley Ortega at nakahiligan niya ang Luxe Slim Slimming juices habang nasa loob ng Pinoy Big Brother House, aba, heto’t pinapirma na siya ng brand’s CEO na si Anna Magkawas.
At isa na nga si Ashley sa mga celebrity endorser ng Luxe Slim. Very authentic ang nangyari dahil napanood ng lahat na nagustuhan niya, iniinom niya at wala sa hinagap niya na dahil dito, makaka-score siya ng endorsement paglabas.
Sa ngayon, marami raw naging realization si Ashley simula nang lumabas siya ng bahay ni Kuya. One of these ay yung mas naging open daw siya as compared before.
Wala rin daw siyang regret sa lahat ng mga ginawa at pinakita niya sa loob. At kung sakali man daw na pababalikin siya, papayag daw siya.
Yun lang, medyo marami ng schedules niya ang pwedeng maapektuhan, lalo na at bahagi na rin siya ng ‘Lolong.’
Siyempre, kung may isa man na magandang nangyari sa pagpasok niya sa PBB, ang muling pagbubukas ng communication at relasyon nilang mag-ina.
Though, hindi pa raw sila nagkikita, pero open na ang communication nila.
***
HUWAG naman sana.
Kasi, ilang araw lang ang nakalilipas, naaliw pa kami sa ipinost ni Sofia Andres sa Instagram niya kunsaan, sweet-sweetan sila ng partner na si Daniel Miranda.
Habang ang anak naman nila na si Zoe ay sinasaway sila.
Then heto ngayon, pareho silang naka-unfollow sa kanilang mga IG. Siyempre, mabilis na pinag-iisipang, hiwalay na rin ba sila?
Hmmm… sana nga hindi, or else, panahon ba ng break-up ngayon? Sana ay may isyu lang ang dalawa na katulad ng ibang couple, mabilis mapagdiskitahan ang kanilang mga socmed accounts at mag-unfollow.
Anyway, developing story pa lang ito kaya abangan natin ang mga susunod na mangyayari.
(ROSE GARCIA)