Pangamba ng publiko sa nabibiling karne ng baboy sa market, pinawi ng mga Agri groups

PINAWI ng iba’t ibang samahan ng mga magbababoy ang pangamba ng publiko sa nabibili sa palengke at pagkain ng karneng baboy tungkol sa isyu ng African Swine Fever o ASF Scare.

Sa pulong balitaan sa QC Hall, sinabi ni National Federation of Hog Farmers Chairperson Chester Tan, ligtas kainin ang mga karneng baboy.

Ayon kay Tan, dumadaan sa mahigpit na proseso at inspection ng National Meat Inspection Service o NMIS ang mga ibinebentang baboy.

Sinabi naman ni SINAG Executive Director Jayson Cainglet, apat na taon na ang ASF sa bansa at palipat lipat lamang ito ng lugar.

Kanyang hinimok ang pamahalaan na mas higpitan at suriing mabuti ang mga imported at frozen na baboy na nanggagaling sa ibang bansa.

Samantala, ipinag-utos na ni Mayor Joy Belmonte na alamin ang mga report ng backyard piggeries sa Quezon City kasabay nito ang paghimok sa mga may-ari na mag report at i-turn-over sa kanila ang mga alagang baboy para bayaran na lamang ito. (PAUL JOHN REYES)