Panawagan sa Trillion Peso March ni Cardinal David kay PBBM: Panindigan ang sinimulang imbestigasyon sa korapsyon

HINAMON ni Catholic Bishop Conference of the Philippines (CBCP) President Cardinal Pablo Virgilio David si Pangulong Ferdinand Marcos Jr na panindigan ang sinimulan nitong paglaban sa korapsyon.
Sa kanyang talumpati sa Trillion Peso March sinabi nito na naghihintay ang marami para tuluyang mapanagot ang lahat ng mga sangkot sa korapsyon.
Paglilinaw nito na ang mga kaso ay idaan lamang sa rule of law o naaayon sa batas lamang.
Giit nito na simple lamang ang kanilang panawagan na gawin ang trabaho na nasimulan at labanan ang korapsyon.
Magugunitang makailang ulit na nanawagan ang simbahang Katolika sa Pangulo na marapat na panagutin ang sangkot sa anomalya sa flood control projects. (Daris Jose)