Pamilya bibilhan na ng bahay ni Mark Magsayo upang makaalis na sa squatter area

BUTUAN CITY – Matinding kasiyahan ang naramdaman ng mga mamamayan sa Bohol matapos manalo si Mark ‘Magnifico’ Magsayo sa kanilang away ni American boxing champion Gary Russel Jr. kung kaya’t kanyang nakuha ang World Boxing Council o WBC featherweight belt.

Sa eksklusibong panayam ng Bombo Radyo Butuan, inilhayag ng ama ni Mark na si Joseph Judy Magsayo na naglagay ng malaking screen sa City Hall grounds ang mayor ng Tagbilaran City upang may makikitang live-fed sa away ng kanyang anak ang kanilang mga kababayan lalo na’t marami-rami pa ring mga bayan sa naturang lalawigan ang wala pa ring linya ng kuryente matapos sinalanta ng bagyong Odette.

Blangko pa si Judy kung ano ang plano ng probinsyal na pamahalaan sakaling uuwi na ang kanyang anak.

Aminado ang ama ng Pinoy boxing champion na mahirap pa rin sila ngayon at ang pagkakapanalo ng kanyang anak laban kay Russel ang inaasahan nilang mag-aalis sa kanila mula sa kahirapan kahit na dawalang taon na itong kasal.

Ayon pa kay Mang Judy, nangako ang kanyang anak sa kanilang video call kahapon na bibili na ito ng bahay para sa kanilang pamiya uparn makaalis na nga sa squatter area.