Pagtapyas ng 1% sa 20% na US tariff sa kalakal mula Pinas, ‘significant’- PBBM

“A SIGNIFICANT achievement.”

Ganito ilarawan at ituring ni Pangulong Ferdinand Marcos Jr., ang naging anunsyo ni US President Donald Trump na magiging 19% na lamang ang 20% na tariff rate para sa mga kalakal na magmumula sa Pilipinas.

“We managed to bring down 20 percent tariff rate for the Philippines to 19. One percent might seem like a very small concession. However, if you put it into real terms, it is a significant achievement,” ang sinabi Pangulong Marcos matapos makapulong si Trump sa White House.

Nilinaw naman ni Pangulong Marcos na hindi lahat ng kalakal na papasok sa Pilipinas mula sa Estados Unidos ay makakukuha ng zero tariff.

Ipinahayag ito ni Pangulong Marcos kasunod ng ipinost ni Trump sa social media na “the Philippines is going open market with the United States”, idagdag pa na ang Estados Unidos ay makakukuha ng “zero tariffs.”

Sinabi ni Pangulong Marcos na ang zero tariff ay ia-apply lamang sa ilang merkado.

“There were certain markets that they asked to be opened. One of the major areas is automobiles because we have a tariff on American automobiles. We will open that market,” ayon sa Pangulo.

“The Philippines will also increase its imports from the US,” aniya pa rin sabay sabing “The other side of that is increased importation from the US for soy products, wheat products, and pharmaceuticals, medicines para mas gawing mura ang gamot natin.”

At nang tanungin kung ang kasunduan ay mas pabor sa Estados Unidos, ang tugon ni Pangulong Marcos ay “That’s how negotiations go. Why the tariff went up from 17% to 20% is internal to the US government.” (Daris Jose)