Pagkakaantala sa pagpapatupad ng stay safe , bunga ng burukrasya -Sec. Roque

KUMBINSIDO si Presidential Spokesperson Harry Roque na napigilan sana ang pagsirit sa kaso ng COVID 19 kung walang nangyaring pagkaantala sa pagpapatupad ng stay safe.

Ani Sec. Roque, malaking ambag sana ang implementasyon ng Stay safe para sa epektibong contact tracing.

Ang paggamit aniya sana ng teknolohiya o ang tinatawag na digital contact tracing dangan lang at nagkaroon ng delay bunga ng burukrasya.

Subalit, ngayong wala ng dahilan sa pag- arangkada ng paggamit ng stay safe, inihayag ng tagapagsalita ng Pangulo na mas mapapaayos at mapapabuti pa ang contact tracing.

” Well, sa akin po, talagang the best development is iyong paggamit natin ng StaySafe. Naantala po talaga ang paggamit niyan because of usual bureaucracy, pero sa akin napakaimportante na gamitan natin ng teknolohiya pagdating po dito sa contact tracing,” ayon kay Sec.Roque.

“And I think, now that all obstacles have been hurdled, eh mas mapapabuti na po talaga iyong ating contact tracing,” dagdag na pahayag nito.

Nauna na ring iginiit ng DILG at ni tracing czar Mayor Benjamin Magalong na dapat sanay magkaroon ng unified system para sa contact tracing efforts hindi gaya ng kani- kaniyang sistema na ipinatutupad ng bawat LGU maging ng pribadong sektor. (Daris Jose)