PAGBABAGO SA PROSESO SA PAGBOTO

MAGKAKAROON ng pagbabago  sa proseso ng pagboto sa 2022  local and national elections  dahil na rin sa patuloy na  banta ng coronavirus disease sa bansa.

Ayon ito kay Comelec Spokesman James Jimenez dahil ang mga botohan ay may posibilidad na maging sanhi ng pagsasama-sama ng mga tao kaya dapat mayroong mga pagbabago sa proseso ng pagboto.

Ikinokonsidera aniya na  limang tao lamang ang maaaring manatili sa isang silid aralan na gagamitin bilang voting  venue.

Sinabi ni Jimenez na ang pamantayan sa mga nakaraang halalan ay palaging sa anumang lugar ng botohan, dapat mayroong puwang para sa hindi bababa sa sampung tao na boboto ng sabay-sabay.

Ngayong may banta pa ng COVID-19, possible aniyang babaan ang bilang ng maaring bomoto sa bawat polling precint.

Ayon kay Jimemez, maaring limang indibidwal na lamang ang papayagan sa loob ng polling precint kabilang ang tatlong miyembro ng electoral board, isang watcher ng kandidato at isang botante.

Pero ang panukalang ito aniya ay tatalakayin pa. (Bishop Jesus “Jemba” M. Basco)