Pacquiao kay Magsayo ; ‘Welcome to the Club’

NANGUNA si dating Filipino boxing champion at ngayon ay Senator Manny Pacquiao sa mga bumati kay WBC world featherweight champion Mark ‘Magnifico’ Magsayo.

Sa kanyang social media account, binati nito ang 26-anyos na si Magsayo at sinabing “Welcome to the Club”.

Dagdag pa ng senador na labis na ipinagmamalaki ng bansa si Magsayo dahil sa tagumpay nito laban kay Gary Russell Jr.

Dahil aniya sa panalo nito ay kahanay na niya sina Mark Cuarto, Jerwin Ancajas, John Riel Casimero at Nonito Donaire.

Magugunitang tinalo ni Magsayo ang American boxer sa pamamagitan ng majority decision sa laban na ginanap sa Atlantic City, New Jersey.

Isa si Pacquiao iniidolo ni Magsayo kaya pinasok niya ang boxing.