Pacers guard Brogdon nagpositibo rin sa COVID-19

Nagpostibo sa coronavirus si Indiana Pacers guard Malcolm Brogdon.

Hindi naman binanggit ng koponan kung saan o paano nakuha nito ang nasabing virus.

Naging aktibo ang 27-anyos sa racial at social justice mula ng matigil ang mga laro sa NBA noong Marso dahil sa COVID-19 pandemic.

Hindi rin naglaro ito sa nasabing season dahil sa kanyang hip injury.

Nanggaling sa Milwaukee Bucks ito noong nakaraang season at nai-trade sa Pacers ang dating NBA Rookie of the Year.

Mayroong average points ito na 16.3, 7.1 assists at 4.7 rebounds.