P1 rollback sa oil price, epektibo sa susunod na linggo

Inaasahan na muling magkakaroon ng rollback sa presyo ng petrolyo sa susunod na linggo.

Sinasabing mahigit sa P1 ang oil price rollback na ipapatupad sa November 23.

Ang presyo ng gasolina aabutin mula sa P0.85 hanggang P1.10 kada litro ang posibleng ibaba ang rollback, samantalang sa diesel ay P1.20 hanggang P1.30 sa kada litro at sa kerosene ay aabutin ng P1.30 hanggang P1.40 kada litro.

Ayon sa mga key player ang pagbuti ng palitan ng piso kontra dolyar ang dahilan nang pagbaba ng presyo ng petroleum products sa merkado.

Una nang humingi ng dagdag singil sa pasahe ang mga passenger jeepney dahil sa mataas na halaga ng krudo at dahil sa pagbaba ng oil prices ay posible umanong matengga muna ang fare hike petition sa LTFRB.

Una na ring sinabi ng LTFRB na hindi napapanahon ang fare hike dahil ang ma­liliit na pamilyang pinoy ang higit na naaapektuhan lalo pa ngayong panahon ng pandemya. (Daris Jose)