OFW, hinampas ng alon, nalunod, patay

NABAHIRAN ng lungkot ang masayang outing ng mga magkakaibigan nang nalunod ang isang Overseas Filipino Worker (OFW) sa isang resort sa Calatagan, Batangas Linggo ng hapon.

Isinugod pa sa Calatagan Medicare Hospital ang biktimang si Diosdado Plonera Catanay, 43 binata ng Brgy Pantalan, Nasugbu Batangas subait idineklarang dead on arrival.

Sa ulat, nagkayayaan ang mga magkakaibigan kabilang ang biktima na magtungo sa PASSY Beach Resort na matatagpuan sa Brgy Bagong Silang, Calatagan, Batangas.

Habang naliligo sa mababaw na tubig sa harapan ng resort nang tangayin sila nang malakas na alon at dalhin sa malalim na bahagi ng dagat na nagresulta sa pagkakalunod ng biktima bandang alas-2:30 kamakalawa ng hapon.

Humingi ng saklolo sa lifeguard ng resort kung saan naiahon ang biktima at agad na dinala sas ospital subalit wala ng buhay bago pa man idating. (Gene Adsuara)