Nominasyon sa PH Sports Hall of Fame, simula na

MAY tsansa ang lahat ng mga Pilipino maipakita ang suporta sa kanilang mga iniidolo sa sports sa pagsumite ng kanilang nominasyon para maipakita at maisama sa kasaysayan ang kanilang iniambag na kabayanihan sa taong 1924 hanggang 1994 sa sunod na tatlong buwan simula nitong Marso 1.

Binuksan na nang Philippine Sports Hall of Fame (PSHOF) Review and Evaluation Committee ang proseso para sa nominasyon, ang unang parte ng pilian sa mga pambansang atleta na posibleng makasali sa ikaapat na batch ng iluluklok sa Sports Hall of Fame ng bansa bago matapos ang taon.

Nasa Republic Act No. 8757 o ang PSHOF Act, na bukas ang nominasyon para sa mga dating amateur at professional athlete at coach/trainer na nagbigay ng malaking distinksiyon, dangal at karangalan sa bansa sa kanilang piniling sport.

Ang 2020 selection committee, na pinamumunuan ni Philippine Sports Commission Chairman William Ramirez, na sinundan ang mga nakaraang komite na magbigay lang ng kabuuang 10 inductee kada dalawang taon.
Napagkaisahan sa unang miting ng selection committee na itakda ang pagsisimula ng nominasyon sa Marso 1 at matatapos sa Mayo 31.

“We recognize the valuable knowledge of our sports chroniclers when it comes to this, so we will ask for their help,” sabi ng sports agency chief sa miting. (REC)