Nito lamang weekend… VP Sara, nagpunta sa Japan para sa ‘private trip’

NAGPUNTA si Vice President Sara Duterte sa Japan nitong weekend para sa isang “private trip.”

Sinabi ng Office of the Vice President (OVP) na sa kabila ng ‘unofficial nature’ ng pagbisita ni VP Sara sa Japan, ginamit naman nito ang pagkakataon para makapulong ang iba’t ibang grupo ng overseas Filipino workers’ (OFW) sa mga araw na nanatili siya roon.

“The Vice President visited Japan over the weekend and visited various OFW groups there during the course of her private trip,” ang sinabi ng OVP.

“She’s now back here in Manila,” ayon pa rin sa OVP.

Ang biyahe ni VP Sara ay bago pa ang isinasagawang Iglesia ni Cristo’s (INC) “National Rally for Peace” sa Quirino Grandstand, ngayong araw ng Lunes, Enero 13.

Hindi naman kinumpirma ng OVP kung dadalo si VP Sara sa naturang rally. ( Daris Jose)

News 3

PBBM sa DA: Tiyakin ang mabilis na suporta sa mga magsasaka ngayong ‘planting season’

IPINAG-UTOS ni Pangulong Ferdinand R. Marcos Jr. sa Department of Agriculture (DA) na tiyakin ang mabilis na paghahatid ng lahat ng uri ng suporta para sa mga magsasaka upang maiwasan ang anumang pagkaantala ngayong “planting season.”

“There should be no significant delays to the implementation of agri-support to farmers,” ang sinabi ni Pangulong Marcos sa mga opisyal ng DA sa isang pulong kasama ang mga economic manager sa Palasyo ng Malakanyang.

Inatasan din ng Pangulo ang Department of Budget and Management (DBM) na iprayoridad agriculture sector, siguraduhin ang napapanahong budgetary support.

“Be mindful of the planting season. Huwag tayo maiiwanan sa planting season. That’s why you need to come up with the timely budgetary support,” ang winika ng Pangulo.

Samantala, binigyang diin ng DA na sa pamamagitan ng tamang tulong sa ‘fertilizers, quality seeds, at teknolohiya’, maaaring palakasin ng mga magsasaka at gawing mahusay ang pagiging produktibo nito.

Binigyang diin naman ng departameto na ang napapanahong pamamahagi ng binhi/ punla at fertilizers ay mahalaga para maiwasan ang mga pagkaantala at mapalawak o mapalaki ang potensyal na ani.( Daris Jose)