NFA, nakapaglabas na ng higit 622K bag ng bigas ngayong pandemic

Inanunsyo ng National Food Authority (NFA) na nakapaglabas na sila ng nasa 622,683 bags ng bigas mula March 31 hanggang June 19, 2020 para sa calamity response ng local government units (LGU) at Department of Social Welfare and Development (DSWD) sa gitna ng coronavirus disease 2019 (Covid-19) pandemic.

Ayon kay NFA assistant regional director Lolita Paz, batay aniya sa kanilang inventory ay mayroon pa silang nasa 400,000 bags ng bigas na sasapat pa sa walong araw.

Kung isasama aniya ang commercial at household stocks sa rehiyon, tatagal naman ito ng 65 araw.

“Fortunately, here in Region 6 (Western Visayas) there are household inventories and there are those who sell their palay to NFA. We continue to procure palay from them,” aniya sa panayam. (Daris Jose)