Natatawang sinabi na nagkatotoo ang propesiya…ELLEN, pinayuhan ng ama na mag-anak lang at ‘wag magpakasal (ni: ROSE GARCIA)

NAGING guest si Ellen Adarna sa ‘Kuan on One’ ni Melai Cantiveros, parehong mga Bisaya.

Ikinuwento ni Ellen ang naging relasyon niya sa kanyang Papa noong nabubuhay pa ito at kung paano siya naapektuhan nang pumanaw ito, ilang araw bago siya nanganak.

Ang Papa niya pala, may bilin sa kanya na ‘wag siyang magpakasal.

“No man is worth your tears. Hindi ka madaling makuha kaya ‘wag kang magpaloko. No man is worth your tears.”

Naikuwento rin ni Ellen na noong High School, may boyfriend daw siya na iniyakan niya. Parang feeling niya, gusto niya na mamatay. Three months daw siya na gano’n kaya parang hindi na nakatiis ang Papa niya at kinausap siya.

Sinabi rin daw ng Papa niya sa kanya na ‘wag na siyang magpakasal, mag-anak lang.

“Hindi mo kailangan ng asawa, anak lang ang kailangan mo. Iba ang Papa ko. Manganak lang, kahit hindi mag-asawa.”

Natatawa na lang na sinabi ni Ellen na, “nagkatotoo ang propesiya niya.”

Inamin niyang napakasal siya kay Derek Ramsay dahil in-love naman daw siya noon, kahit na sumagi sa isip niya ang payo ng Papa niya dati. Though, as a woman, it was never in her bucketlist. 

“At least I can say, been there, done that.”

Sa ngayon, halatang masaya si Ellen, nasa aura naman niya at lalo na dahil mas solid ngayon ang friendship nila ng ex-boyfriend at ama ng anak na si Elias na si John Lloyd Cruz at sobrang grateful din ni Ellen sa boyfriend ni John Lloyd na si Isabel Santos bilang napakabait daw na stepmom.

As for Derek, obviously, malalim ang naging dahilan kaya gano’n na lang ang tila galit ni Ellen dito.

***

RALPH, umani ng papuri at respeto sa matapang na pahayag

UMANI ng papuri at respeto ang dating PBB housemate na si Ralph de Leon. Matapos ang matapang niyang pahayag sa “Y Speak.”

May direktang mensahe si Ralph sa ngayo’y pinaghahanap o nagtatagong Senator na si Bato dela Rosa. 

Ayon kay Ralph, “Ito ‘yung pinakamahirap na episode para sa akin not only sa debate. But again, listening to the stories na shine-share ni Fr. Flavie.

“Grabe, ang dream ko lang talaga, ang wish ko lang ay mabigyan ng hustisya ang lahat. 

“Managot lahat ng kriminal whether it’s Duterte sa ICC or si Bato na nagtatago. Na kung ikaw talaga ay inosente, kung sinasabi mong inosente ka, bakit ka pa tumatakbo?

“Bakit ka pa nagtatago? Binabalahura mo pa ‘yong Senado. So, please never again.” 

Bukod sa magagandang comments, may nag-comment din na sana raw ma-impluwensiyahan din ni Ralph ang girlfriend na si AZ Martinez at ang co-housemate niya na may girlfriend na tinatawag na nepo baby.