Naluha si Jessy at si Luis ang tamang nakahula ng gender: VILMA, tuwang-tuwa dahil girl ang first apo na tinatawag na nilang ‘Baby Peanut’

NALUHA si Jessy Mendiola at naka-ilang “OMG” sa naging gender reveal nila ng mister na si Luis Manzano.

Baby boy ang hula ni Jessy na magiging first baby nila habang baby girl naman si Luis. Obviously, si Luis ang nagwagi sa kanilang dalawa dahil baby girl nga ang ipinagbubuntis ni Jessy.

Sinabi naman nilang pareho na looking forward sila kahit anong gender pa ng baby, ang priority nila ay ang masiguradong healthy ito.

Nagbigay rin ng kanyang message ang “lola” na si Vilma Santos-Recto at makikita talaga ang labis na kaligayahan nito na magkakaroon na ng apo.

First apo ni Ate Vi ang magiging baby nina Luis at Jessy na ngayon pa lang, tinatawag na nilang Baby Peanut.

Sure kami na masaya si Ate Vi kahit anong gender ng apo niya, pero siyempre, dahil puro boys ang dalawa niyang anak, ibang kaligayahan na magkakaroon na sila ng baby girl.

Sabi nga ni Jessy, “Super saya namin. I’m sure si Momsie, super saya niya kasi, girl talaga ang gusto niya.

“Pero ‘eto, paulit-ulit kong sasabihin ‘to, sa mga mommy rin, sa mga pregnant women, it’s not about the gender. Basta healthy, super thankful kami.

“And we have a very healthy baby daughter.”

***

MAY nanalo na sa Best in Costume para sa Linggo ng Wika.

Walang-iba kung hindi ang bunsong anak ng Kapuso Primetime King & Queen na sina Dingdong Dantes at Marian Rivera na si Sixto Dantes!

Aba, halos lahat ay iisa ang comment sa ipinost na picture nina Dingdong at Marian, “Ang cute!!!” ang mga comment na mababasa sa kanilang Instagram account kunsaan, naka-costume si Sixto na Lapu-Lapu.

May video pa si Marian na sinasabi ni Sixto, “Ako si Yapu-Yapu.”

Winner talaga ang DongYan pagdating sa costume. Mapa-costume nilang mag-asawa hanggang sa mga anak, kinakarir nilang talaga.

At dahil sa costume na ito ni Sixto, may mga naglabasan agad at ipinagtabi ang pictures nina Sixto na naka-Lapu-Lapu at picture naman ni Marian bilang si Amaya noon.

At ang mga celebrities, talagang aliw na aliw kay Sixto.

Sabi ni Pops Fernandez, “Cute”

Napa-“OMG” naman si Bianca Gonzalez at “eeeee super cute!” si Chynna Ortaleza. Sabi naman ni Lotlot de Leon, “Hello Mr. Yapu-Yapu! You’re adorable!”

At halos parehong mga comments sa iba pang celebrities at netizens kay Sixto na pinaka-cute na Lapu-Lapu yata.

(ROSE GARCIA)