Nagtataka kung bakit doble-doble ang dapat bayaran… ROCCO, viral ang pagre-reklamo sa natanggap na Meralco bill

NAG-VIRAL ang pagre-reklamo ng Kapuso actor na si Roccon Nacino dahil sa natanggap na latest bill mula sa Manila Electric Company o Meralco.
Isa nga sa kino-question ng aktor ang nakalagay na “differential bill” na umabot sa mahigit P31,000 bukod pa iyan sa kanilang regular monthly bill.
Panimula ng kanyang post, “Meralco may I be connected to your customer service line? I am being billed for a differential bill of 31k plus.
“Saan galing ‘yan at ano basis ninyo for a ‘differential’ bill aside from my monthly bill?
Tapos magpapadala kayo ng technicians for disconnection.”
Dagdag taong pa ni Rocco, “Kanino pa ito nangyari? Pls share any explanations kung mali man ako. Nakakapagtaka na doble doble ang bills.”
Post pa niya, “I’ll be seeing you soon Meralco.”
Pagkaraan ng lang oras, nagbigay naman si Rocco ng update tungkol dito, “Meralco finally called to explain billings. Ending. Bayad.
“Pag-request ko ng billing history, 6 digits na ang annual na binabayad namin sa kuryente. Jusko, PHILERGY German Solar let’s upgrade na my system para 0 na ang bill! Hayyyy,”
Komento naman ng netizens sa paghihimutok ni Rocco dahil sa malaking bill ng kuryente…
“IMAGINE! Si Rocco nga nainda na yung bills. Pano pa kami na sumasahod lang ng 400+ per day?”
“Hindi ka nag-iisa madaming ganyan silang case lalo na yung mga pinalitan ng kuntador to digital eme nila biglang lobo ang bill tinalo pa commercial eh resedential lang naman.”
“Samin naman may bill deposit pa. Bukod yung monthly bill. 12 months to pay daw. So idadagdag siya sa regular monthly bill namin. Last year ang dumating samin na bill deposit 500+ yung binayaran namin for 12 months plus yung regular bill namin monthly. So yung bill namin na 2200 plus 500+ monthly ang binabayaran namin. Ngayon naman may dumating ulit na bill deposit. 600+ naman.”
“Mas mainam po kung pupuntahan sa main office po ng meralco para makausap po ninyo ng maayos at magbigyan din nila kayo ng advice sa mga need na gawin.”
“Same samin 5k + n dati nsa 2k+ lng wla nmn nbago s pggamit pra n cla nanghuhula kng gsto nla taasn isip nla no choice mga yan mgbbyd kesa s wla cla kuryente mga pahirap.”
“Grabe nga ung bill now, last month 1.5k lng, ngayon bill 2.5k na bakit ganon kabilis naman 1k tlga ang itinaas nang bill?? Tapos pati sa water bill may scam din, fully paid nako last bill tapos ngayon meron ako for disconnection dahil meron ako previous bill na 60pesos.”
“Laking tulong talaga ng Solar na ayaw suportahan ng Gobyerno kase nga …. Basta …”
“Ganyan po talaga no matter what bayad pa din ending lahat nalang mahal ngayon grabe bawal na tamad sa panahon ngayon.”
“Balang Araw lahat ng bahay naka-solar na.. tas biglang gagawa ng paraan si Meralco para magtiwala muli sa kanila mga tao, sabay babalik ulit sa panloloko sa billings!!”

***

Hapag ng Kulay: Isang Makulay na Pagsasalo sa Sining at Lasang Pinoy

NGAYONG Abril, ang sarap ng pagkaing Pilipino ay hindi lang matitikman kundi makikita rin sa mga obra sa pagbubukas ng Hapag ng Kulay art exhibit.

Bilang pagdiriwang ng Philippine National Food Month, gaganapin ang eksibisyong ito sa LRI Design Plaza mula April 4 hanggang April 30, 2026. Mula sa makulay na palengke hanggang sa usok ng boodle fight, ipinapakita ng bawat painting ang malalim na koneksyon ng ating panlasa at mga alaala.

Ang proyektong ito ay pinangunahan nina lead organizer Arvino Yanuario at co-organizer Rene “MD” Dominguez. Tampok dito ang iba’t ibang artists na gumagamit ng simbolo at abstraksyon upang muling buhayin ang init ng kusina at saya ng pagsasalo ng pamilya.

Ang espesyal na Opening Night sa April 8 ay strictly by invitation only kung saan panauhing pandangal ang sikat na food curator at author na si Mr. Guillermo ‘Ige’ Ramos. Para sa mga nais bumisita, magkakaroon din ng Arts & Craft at Food Bazaar sa venue simula sa April 17.

(ROHN ROMULO)