Nagsimula na para sa ‘The Devil Wears Prada 2’: Fans ni MERYL STREEP, nagkagulo nang mag-shoot sa New York 

MASAYANG-MASAYA ang former sexy actor na si Carlos Morales dahil magiging tatay na siya.

Next month ay isisilang na ng kanyang fiancée na si Felicia Fong ang kanilang baby girl na pinangalanan nilang Zoei Belle.

Aminado ang actor-director na late na siya nagsimula na magkaroon ng pamilya. Magiging daddy raw siya sa edad na 49.

“I’ve always had a feeling, even from a young age, that I’d start a family a bit later in life. Coming from a broken family myself, it’s only been in the last 20 or so years that my parents found their way back to each other.”

Mula sa pagiging dancer at model, sumikat  si Carlos noong mauso ang pito-pito o mga low budget sexy films noong late ’90s. Pero nakagawa siya ng ilang critically-acclaimed films tulad ng ‘Tatarin’ at ‘Laro Sa Baga’ kunsaan nanalo siya ng best actor award.

Huling napanood si Carlos sa mga teleserye na ‘Wildflower’ (2017) at ‘FPJ’s Ang Probinsyano’ (2016).

***

NAGKAGULO ang fans ni Meryl Streep sa New York dahil nagsimula na itong mag-shoot para sa pelikulang ‘The Devil Wears Prada 2.’

Nakunan ang 76-year old 3-time Oscar winner na in character na as Miranda Priestly habang palabas ng kanyang trailer in Manhattan. Kumaway pa ang aktres sa crowd na hinihintay siyang lumabas.

Nag-trend agad on social media si Meryl. Post ng isang netizens: “This gave me full-body goosebumps. She hasn’t changed at all since 2006!”

One fan of the New Jersey posted: “I can’t wait to see this movie, I’m so ready! Meryl still looks great.”

Kinunan sa araw na iyon ang eksena nang muling pagkikita nila Meryl at Anne Hathaway who plays Andy Sachs, Miranda’s former assistant at Runway magazine.

(RUEL J. MENDOZA)