Nagpasalamat sa mga sumuporta lalo na kay Alden: WILL, certified concert star na dahil nag-sold out at nangakong mauulit pa

NATUPAD na ng tinaguriang Nation’s Son na si Will Ashley ang pinapangarap niyang first solo concert na ginanap last Saturday, October 18, sa New Frontier Theater.Walang duda na isa ngang malaking tagumpay ang kanyang one night sold-out concert, na hindi naman niya binigo ang mga tagahanga sa kanyang performances, mula sa mahusay na pagkanta at pagsasayaw.Kaya sigurado kaming magkakaroon pa ng kasunod sa darating na panahon.Sa kanyang Instagram post sinulat niya na, “Making the impossible, possible.”Punum-puno ito ng pasasalamat para matupad ang kanyang dream solo concert, lalo na sa kanyang special guests.Isa nga sa naging highlights ng successful concert ang surprise guest appearance ni Asia’s Multimedia Star Alden Richards, na kung saan nag-duet ang Kapuso actors.Pasasalamat ni Will, “Kuya @aldenrichards02, thank you for taking the time to join me on the stage I’ve always dreamed of performing on. Salamat sa mga payo at sa patuloy na suporta.”Pagpapatuloy ng kanyang IG post, “@elizamaturan and @jayjoseph.j2x, thank you for saying yes to share meaningful and inspiring performances with me. Truly, you guys are an inspiration.”Hindi rin nakalimutan ni Will na pasalamatan ang kanyang Mommy Mindy at inialay ang ’MAPA’ ng SB19, na hindi niya matapos kantahin dahil naiyak na siya. Sinundo niya ang kanyang ina mula sa audience, nasaksihan ang madamdaming tagpo ng mag-ina sa stage na nag-iiyakan. At nagpa-sample pa si Mommy Min ng kanta niyang ‘Close To You’.Labis-labis din niyang pinasalamatan ang PBB alum at ‘Unbreak My Heart’ co-star na si Bianca de Vera, huli niyang nakasama sa entablado para sa nakakikilig na interpretative dance. Nakabibingi ang hiyawan ng fans ng WillCa sa kanilang sweet moments.“To you, @biancadeveraa it was truly an honor to share the stage with you. Thank you for being a believer since day one. Just know that I’ll always be here to support and protect you, no matter what,” say ni Will. Nasa audience naman para sumuporta ang iba pang PBB ex-housemates na sina Shuvee Etrata, River Joseph, Vince Maristela, Mika Salamanca, AZ Martinez, Kira Balinger, at Josh Ford.Nanood din ng concert si Maki na pinagkaguluhan at pinanggigilan ang face ng mga fans na nasa platinum center. Niyaya rin ni Will ang kanyang kaibigang singer na umakyat ng stage para bumati.Sa pagtatapos ng kanyang post inaalay niya ito sa lahat ng nagmamahal at sumusuporta, “I hope you guys enjoyed the concert! Hindi pa ito ang huli. Nag-uumpisa pa lang tayo. Maraming beses pa tayong magkikita sa big stage.” Pangako pa niya ni Will, “I promise to do better every day, and I promise to be an inspiration to everyone.“Kayo ang lakas ko. Maraming salamat po.”Sunud-sunod nga ang blessings na natatanggap ni Will dahil PBB. Marami na siyang ini-endorse ngayon at isa na rito ang Acer Philippines na talagang nagpakita ng suporta sa kanyang concert.Muli siyang mapapanood sa much-awaited series na ‘Secrets of Hotel 88’. At magiging abala siya sa darating na Pasko dahil ang dalawang pelikula niya na ‘Bar Boys: After School’ at ‘Love You So Bad’, ay parehong napili bilang official entries sa 51st Metro Manila Film Festival na magsisimulang mapanood sa December 25.Congrats Will, you are now certified concert star!(ROHN ROMULO)