Naghihintay rin sa magiging apo kina Arjo at Maine: RIA at ZANJOE, hinihiritan na ni SYLVIA na sundan agad si SABINO
- Published on February 13, 2025
- by Peoples Balita
KAALIW ang mga kuwento ng premyadong aktres at producer na rin na si Sylvia Sanchez, na tutok na tutok ngayon sa Nathan Studios Inc., at kasalukuyan ngang pinalalabas sa mga sinehan ang animated film na ‘Buffalo Kids’.Natanong kasi si Ibyang tungkol sa kanyang unang apo na si Sabino.
“Masaya, kaya lang hindi ko palaging nakikita ang apo ko, kasi sobrang busy kami sa promo ng movie.
“Pumupunta lang ako every Sunday, katulad ngayon after nitong screening ng ‘Buffalo Kids’ pupunta kami,” say niya.
“So, hinahayaan ko muna kina Zanjo at Ria ‘yun anak nila, na sila ang mag-alaga. Pero once na maglakad na yan at nagsasalita na, nakakausap at nakakaintindi na, akin na ‘yan, ha ha ha.
“Alam naman nila ‘yun at wala silang magagawa ha ha ha.
“Kaya ang sabi ko sa kanila, gumawa agad sila, para sa akin itong si Sabino,” dagdag pa ni Ibyang.
“Gusto ko kasi ng maraming apo, kaya ‘yun talaga ang sabi ko kina Ria at Zanjoe, para makuha ko ‘yun baby nila.”
Enjoy na enjoy raw si Ria sa pag-aalaga sa kanyang anak na very hands on.
“Pinapabayaan ko sila, ayokong talagang makialam sa pag-aalaga nila. Hands-on talaga sila, lalo na si Ria.
“Pinaghandaan talaga niya ‘yun at hindi siya nataranta.”
Inaabangan na rin ng netizens kung kailan naman siya magkaroon ng apo kina Cong. Arjo Atayde at Maine Mendoza na magto-two years nang kasal sa July.
Hindi ba siya nagtatanong tungkol dito?
“Hindi naman, kasi nirerespeto ko ang gusto nila. Kasi kinausap naman nila ako na may time sila kung kailan nila gustong magka-baby.
“Kaya sabi ko, bahala kayo, buhay naman nila ‘yun eh. Kaya hindi ako puwedeng makialam,” paliwanag ng aktres.
Natatawang dagdag pa niya, “pero sabi ko rin sa kanila ‘pag lumabas ang anak n’yo, akin din ‘yun ha ha ha.”
Speaking of Arjo at Maine, wala pa ba sa plano na magsama ang mag-asawa sa movie at I-produce ng Nathan Studios?
“Ayaw nila eh,” pag-amin niya.
“At kung gusto naman nilang gumawa ng movie, sila na lang ang mag-produce.
“Para magawa nila ang gusto nilang concept, kaya bahala na sila dyan, hindi rin ako makikialam.
“Marami nga ang humihingi sa akin para sa magkasama sila sa isang project, pero hindi pa ito ang right time.”
Dahil involved ang buong pamilya niya sa Nathan Studios, nakakatulong din ba si Maine?
“Si Maine hindi ko pa ginugulo para dito, pero nakakatulong siya dito sa Nathan. At silang magkakapatid, nagtutulungan.
“Pero ang nakatutok ngayon dito ay ako talaga, pero sabi ko, later on, kayo na yan.
Kailangan ko lang itayo ang Nathan at ayusin.
“Pag meron akong binibili, tinatanong ko sila kung okay ba, kung maganda ba ito. Pinapa-approve ko rin sa kanila, nagko-consult din ako sa kanilang lahat.”
Samantala, sa hindi pa nakakapanood ng ’Topakk’ ang matagumpay na filmfest entry ng Nathan Studios sa 50th MMFF, magkakaroon ito ng special run sa UPFI Film Center Videotheque simula sa Thursday, Feb. 20 at 11 a.m. & 5 p.m.
Ang iba pang date and time: Feb 21 Fri 2 p.m.; Feb 26 Wed 2 p.m.; Feb 27 Thurs 2 p.m. at sa March 1 Sat 2 p.m. Ang ticket ay Php 200 regular at Php 150 naman pag discounted.
Kaya sugod na at ‘wag palampasin ang pagkakataong ito.
(ROHN ROMULO)