BI muling nagbabala sa bagong modus ng Human Trafficking 

Nagbabala ang Bureau of Immigration (BI) sa bagong modus ng human trafficking kung saan ginagamit ang mga Filipino bilang online scammers para lokohin ang mga Japanese nationals. Ayon kay BI Commissioner Joel Anthony Viado, isang 26-anyos na biktima ang umuwi matapos i-recruit ng dayuhan at ilabas ng bansa gamit ang backdoor patungong Malaysia, at dinala sa Myanmar at Cambodia. Inihayag ni Viado na ginagawang kasangkapan ng mga sindikato ang mga biktima. Pinaalalahanan ang publiko na umiwas sa mga alok na masyadong maganda para maging totoo. Iniimbestigahan na ang recruitment network.