Nag-viral ang panggulat na kissing scene nila ni Zaijian: JANE, na-hook agad sa digi-serye na ’Si Sol at si Luna’ 

KASUNOD ng breakout digital hits na ‘My Plantito’ at ‘Ang Lalaki sa Likod ng Profile’, malaki ang kumpiyansa ng Puregold Channel sa muling paghakbang sa larangan ng cinematic-scale storytelling sa pinakabagong handog nito ‘Si Sol at Si Luna’ na pinagbibidahan ng dating mga child stars na sina Zaijian Jaranilla at Jane Oineza.

Ang digi-serye ay inihayag pati na ang official poster sa isang star-studded press conference na ginanap kahapon, Mayo 16 sa World Trade Center, Pasay City, na gumawa ng isang quantum leap sa journey ng Puregold bilang isang puwersa sa Filipino digital entertainment.

Sa ‘Si Sol at Si Luna’, inilabas nina Zaijian at Jane kanilang child-star images para makatawid at makatapak sa emotional complexity and adult vulnerability.

Ito ay isang career-defining turn para sa batang aktor, na nag-uudyok sa na ihatid ang pinaka-mature at mapangahas na pagganap. Ito ang first intimate scene niya na isang matapang na sandali hindi lamang para sa kanya kundi para sa Philippine retailtainment.

Gayunpaman, ang tunay na kapangyarihan ng serye ay higit pa sa sensual habang sinasaliksik nito ang kalungkutan, pananabik, at ang hindi komportableng espasyo sa pagitan ng koneksyon at timing.  Si Sol, isang mag-aaral sa pelikula na naghahanap ng malikhaing spark, ay nahuhulog sa mas matanda sa kanya na si Luna na dumadaan sa matinding pagsubok. Ang kanilang relasyon ay pinipilit ang paghaharap sa mahihirap na katotohanan ng edad, pagkawala, at pag-ibig na hindi akma sa hulma.

Para sa Senior Marketing Manager ng Puregold na si Ivy Hayagan-Piedad, ang malungkot na mga insight na inilalarawan sa ‘Si Sol at si Luna’ ay higit pa sa inyong garden variety romcom.

“At its core, the series is about love-but not the kind that comes easy,” pahayag ni Hayagan-Piedad.

“It asks: Where do we find love? What do we do with it when it comes at the most unexpected time? Luna’s story is about loving through grief. Sol’s is about loving through transformation. Whether love can survive both that’s the question the audience will ponder on.”

Sa ‘Si Sol at Si Luna’, itinatatak ng Puregold Channel ang pag-angkin nito bilang isang powerhouse content studio-one na pinagsasama ang komersyal na halaga sa malikhaing katapangan.

Halatang excited sa press conference ang mga lead series na sina Zaijian at Jane, nagsigawan ang mga nakapanood nang makita ang trailer ng serye na kung saan ipinakita ang pinag-uusapang kissing scene nila sa social media.

Tugon nga ni Zaijian tungkol sa eksena, “Siguro po ang masasabi ko lang ay marunong akong humalik!”

Say pa niya, pinaghandaan daw talaga niya ang pagganap kay Sol, na hindi pa nakikita sa mga nagawa na niya sa pelikula at teleserye.

“Ibang-ibang Zaijian talaga ang makikita nila sa serye na ito.  Pinaghandaan at trinabaho ko talaga ang pagganap bilang si Sol.

“Nasanay na kasi ang mga tao sa dati kong ginampanan, na parang nag-stick sila sa pagiging ‘banal’. Kaya gusto kong ipakita ‘yung other side ko.”

Aminado naman si Jane na isa ito sa dream project niya.

Pagbabahagi pa niya, “sobrang ganda kasi ng kuwento, as in nang binabasa ko ang script, hindi ko talaga siya mabitawan.

“Inabot ko ng gabi hanggang umaga.  Sobrang nakaka-excite ang bawat episode at siyempre gusto ko ring makatrabaho si Zaijian.  Kaya malaki ang pasasalamat ko sa Puregold sa paggawa ng serye na ito.”

Na-excite din ang mga sumusuporta at miyembro ng star-studded cast, kasama sina Joao Constancia, Uzziel Delamide, Vaughn Piczon, Lyle Viray, Jem Manicad, Marnie Lapus, at ang breakout star na si Atasha Franco.

Ipalalabas ng ‘Si Sol at si Luna’ ang pinakaunang episode nito sa Puregold Channel sa YouTube sa Mayo 31, na may bagong episode na ipapalabas tuwing Sabado pagkatapos nito.

Manatiling nakatutok!  Mag-subscribe sa Puregold Channel sa YouTube, i-like ang @puregold.shopping sa Facebook, sundan ang @puregold_ph sa Instagram at X, at @puregoldph sa TikTok para sa higit pang updates.

(ROHN ROMULO)