Nag-trending ang reunion ng cast ng teen series na ‘Tween Hearts’: BARBIE, nakipag-bonding sa dating co-stars na sina BEA at JOYCE

NAG-TRENDING sa social media ang reunion ni Barbie Forteza sa mga dati niyang co-stars sa 2010-2012 Kapuso teen series na ‘Reel Love Presents Tween Hearts’ na sina Bea Binene at Joyce Ching.

Nag-bonding ang former teen stars sa isang coffee shop after nilang manood ng sine at nag-catch up sa isa’t isa.

“Movie date with Belinda and Aya,” caption ni Barbie sa kanyang Instagram post.

Kapwa nagsisimula pa lang sa kanilang showbiz careers sina Barbie, Bea at Joyce noong gawin nila ang Tween Hearts.

Si Barbie ay na-introduce sa Philippine version ng hit Koreanovela na ‘Stairway To Heaven’ in 2009 kunsaan naka-loveteam niya si Joshua Dionisio.

Si Bea ay naging contestant sa ‘StarStruck Kids’ in 2004 at lumabas na sa iba’t ibang GMA shows. Pinartner siya kay Jake Vargas sa Tween Hearts.

Si Joyce naman ay isa sa mga bata sa ‘Bubble Gang Jr.’ in 2005. Naging loveteam niya si Kristoffer Martin sa Tween Hearts.

Sa kanilang tatlo, si Joyce lang ang may asawa at kinasal siya noong 2019 kay Kevin Alimon. May baby girl sila named Olivia na sinilang noong October 2024.

Ang iba pa nilang co-stars sa Tween Hearts ay sina Alden Richards, Derrick Monasterio, Kylie Padilla, Lexi Fernandez, Louise delos Reyes, Yassi Pressman, Hiro Peralta, Kim Rodriguez, Kiko Estrada, Teejay Marquez, Rhen Escano, Ken Chan, Krystal Reyes, Marlo Mortel, Kit Thompson, Elmo Magalona at Julie Anne San Jose.

Nagkaroon pa ito ng 2011 movie version titled ‘Tween Hearts Academy: Class of 2012’ na dinirek ni Mark Reyes.

***

SA edad na 94, malakas pa rin ang pangangatawan at isipan ng Hollywood legend na si Barbara Eden.

Naki-celebrate sa ‘I Dream Of Jeannie’ star ang kanyang loyal fans last Aug. 23 via social media.

“Let’s all take a moment to wish our favorite blonde, entertainment icon and Hollywood legend Barbara Eden a very VERY Happy Birthday today!” ayon sa post ng Team Eden.

Gumawa si Eden ng 25 films, 19 TV movies and five TV series sa kanyang 70-year career. Ang big break niya ay naganap in 1955, when she became a recurring sketch performer on The Johnny Carson Show.

Naging household name si Eden nang gampanan niya ang iconic role as Jeannie, a 2,000-year-old genie who falls in love with an astronaut on I Dream of Jeannie, na tumakbo ng five seasons from 1965 to 1970.

Ang sikreto raw ng kanyang sexy genie figure hanggang ngayon ay: “I used to work out all the time. I used to do spinning classes and then do weights with a trainer. Now I have a stationary bicycle and I lift five pounds. I use very lightweight weights, but they’re good for your bones.”