Muntik nang mag-give up dahil sa ngalay at matinding lamig… TANYA, anim na oras na nakatayo para masaksihan ang comeback free concert ng BTS

MAY anim na oras yatang nakatayo sa Gwanghwamun Square in Seoul si Tanya Garcia noong comeback free concert ng BTS sa Korea.

Kahit na super fan siya, muntik na raw siyang mag-give up dahil hindi lang ‘yung ngalay sa pagtayo from 3 pm to 8 pm kunsaan nagsimula ang concert, nasa 7 degree pa raw ang weather ng araw na ‘yon at kahit apat na patong na raw ang damit niya, talagang iba pa rin ang lamig.

But anyway, super worth it naman daw dahil first time n’yang mapanood ng live at makita ang BTS member na kumpletong mag-perform.

Hindi kasama si Tanya among the celebrities or content creators na ipinadala ng Netflix Philippines, instead, talagang magaling daw ang kaibigan niya na nakakuha ng tickets nila.

Si Jungkook ang pinaka-bias ni Tanya sa lahat. At sey pa niya, cry raw siyang talaga, lalo na nang inawit na ng mga ito ang kanta for their Army na “Mikrokosmos.”

In two weeks time, balik Korea na naman si Tanya, this time, sa talagang kick-off na ng world tour concert ng grupo. At kasama na rin niya ang mga anak, lalo na ang eldest na si Mischa na mas naunang maging Army than Tanya.

O, ‘di ba, sana all!

***

KOREAN content pa rin.

Ang kilalang Korean director na si Nam Ki Hoon na ang mga notable works, Tunnel, The Beauty Inside, Voice 3, Oh My Baby, Kiss Sixth Sense, Big Bet (Casino), and Destined with You ay masasabing nagustuhan ang Pilipinas and have only nothing but good words sa bansa.

Kasama niya rin si Ilho Lee- CEO of LIFE communications, Korean by Nationality but filipino at heart. Isang marketing genius at involved din sa global hit Korean series na “Boyfriend on Demand” starring Jisoo of Blackpink.

At sa bansa, si Tristan Cheng ng Trifecta Brand Lab ang kanilang ka-collab.

Meron na silang posibleng maging leading man, isa sa Korean Superstar. Ang hinahanap na lang nila ay ang Filipina Leading Lady. Most likely, baka sa April ay meron ng mapipili.

Kung kadalasan sa mga Korean-Filipino movies ay 80% ang location ay sa Korea, this time, baligtad, mas maipapakita ang ganda ng bansa. Twenty percent lang daw ang kuha sa Korea.

And it’s going to be a romcom film.

Overall, gustong ipakita ni Director Nam sa mundo kung gaano kaganda ang Pilipinas through a beautiful story and show the world that we have great talent as well.

(ROSE GARCIA)