Mga sekyu, TNVS drivers, janitors tatanggap ng cash aid sa AKAP sa Navotas

INANUNSYO ng Office of Navotas City Representative na mabibigyan naman ng cash assistance sa ilalim ng Ayuda para sa Kapos ang Kita (AKAP) Program ang mga security guards, TNVS drivers at mga janitors na mga residente ng lungsod.

Sinabi ni Cong. Toby Tiangco na 18-anyos pataas na nagtatrabaho bilang security guards, TNVS drivers at janitors sa loob o labas ng lungsod ang magiging benepisyaryo ng naturang programa.

Pinapayuhan ang mga nabanggit na simulan na ang mag-apply dala ang kumpletong requirements ng mga online forms para sa trabahong kinabibilangan ng mga ito.

Paalala lamang na dadaan sa verification at deduplication process ng DSWD ang lahat ng mga aplikante at i-popost sa Facebook page ni Cong. Tiangco ang listahan ng mga kwalipikado sa programang AKAP.

Ang nasabing programa ay sa ilalim ng Toby Continued Angat Navotas Ayuda sa Kapos ang Kita Program Tulong Pinansyal ni Navotas Representative Tiangco kaya aniya, pagtuunan ng pansin na mapahanay sa tulong pinansyal na alok ng pamahalaan lungsod.

Ayon kay Cong. Tiangco, umabot na sa 10,282 Navotenos ng nabigyan ng cash assistance ng nasabing programa simula pa lamang noong Mayo. (Richard Mesa)