Mga banyagang arestado sa Cebu AVSEGROUP, haharap sa kasong deportasyon

MAHAHARAP sa deportasyon ng Bureau of Immigration (BI) ang siyam na dayuhan na inaresto ng Philippine National Police Aviation Security Group (PNP AVSEGROUP) sa Mactan-Cebu International Airport.

Ito ay matapos nilang tangkaing magdala ng P440 milyon na hindi idineklarang salapi.

Bukod sa mga kasong kriminal, maaari ring ma-blacklist mula sa muling pagpasok sa bansa, ayon kay BI Commissioner Joel Anthony Viado.

“Immigration laws prohibit foreigners from engaging in activities that pose risks to national security,” said Viado. “Once they face their criminal charges, these individuals will be deported and blacklisted from re-entering the Philippines,” ani Viado.

Binubuo ang grupo ng pitong Chinese, isang Indonesian, at isang Kazakhstani.

Nakikipag-ugnayan na ang BI sa PNP para sa karagdagang pag-verify ng mga rekord at dokumentasyon. (Gene Adsuara)