Messi out na sa MLS dahil sa injury scare bago pa man ang World Cup

NAGDULOT ng pangamba sa mga tagahanga ng Argentina ang biglaang paglabas ni Lionel Messi sa laban ng Inter Miami kontra Philadelphia Union nitong nakaraang araw.

Sa ika-73 minuto ng laro, humawak si Messi sa kanyang kaliwang binti at agad na humiling ng substitution.

Bagama’t naglakad siya nang normal palabas ng field, hindi pa malinaw kung seryoso ang pinsala o pag-iingat lamang.

Ayon kay coach Guillermo Hoyos, maaaring dulot ng pagkapagod at kondisyon ng pitch ang desisyon na alisin si Messi.

Nanalo pa rin ang Inter Miami sa iskor na 6-4, ngunit nanatiling malaking usapin ang kalusugan ng walong beses na Ballon d’Or winner.Pangangatawan

Kung mapatunayang seryoso ang pinsala, malaking dagok ito sa Argentina na naghahanda para sa World Cup 2026 na magsisimula sa Hunyo 11.