Matapos na pula-pulaan ang ipinamigay na mga gulay: ANGELU, ‘di pinalampas ang nam-bash sa kanyang birthday community pantry

HINDI nga nakaligtas sa pambabatikos ang actress-councilor ng Pasig City na si Angelu de Leon na kung saan nakunan na namimigay ito ng mga gulay sa kanyang contituents.

Ayon sa isang netizens, namimigay si Konsi Angelu para panoorin ang GMA series na kinabibilangan niya, ang Pulang Araw.

Sa post ng netizen, makikita ang video ni Angelu kung saan nag-aabot ito ng gulay na sitaw sa mga nakapilang residente habang pino-promote ang nasabing serye.

“Kakapiranggot lang na gulay tapos gusto mo manood ng Pulang Bangaw? Grabe na ang pagka-desperada mo gurl,” birada ng basher.

Ni-repost naman ito ng isa pang netizen, “JUST INday Badiday: Pulang Araw, namigay ng limang pirasong sitaw mapanood lang. Yes po, lima po, nabilang ng SGV at Nielsen…CHARitable!”

Hindi naman ito pinalampas ni Angelu at sinagot ang post ng dalawang netizen sa X (dating Twitter).

Paliwanag ng aktres na nag-celebrate ng kanyang 44th birthday last August 22, “Hi, I do my yearly birthday community pantry as a way of giving back and being grateful to my constituents.

Personal ko po ito.”

Dagdag pa ng batikang aktres, “Nahiya naman ako na hindi ito sapat para sa’yo. Pero I guess hindi ka naman taga-Pasig. I will promote Pulang Araw because I am proud of our show.”

Sa kanyang Facebook post, nilinaw din ni Angelu na hindi lang sitaw ang ipinamigay nila sa mga residente.

“Meron pa hong putol na upo kasi hindi ko kaya mag bigay ng buo. Pinuputol namin para meron ang lahat. May talong, ampalaya at okra din.

“Ang mahal na pala talaga ng gulay ngayon. Hindi talaga aabot ang 64 pesos sa isang masustansyang meal per day.”

Samantala, isa kinabubuwisitan ngayon si Angelu sa Pulang Araw dahil sa karakter niya bilang si Carmela Borromeo, ang asawa ni Julio Borromeo (Epy Quizon) at ina ni Teresita Borromeo (Sanya Lopez). Isa siya nagpapahirap sa buhay nina Eduardo (Alden Richards) at Adelina (Barbie Forteza).

Ang Pulang Araw nga ang nagsisilbing comeback project ni Angelu matapos magpahinga sa showbiz ng ilang taon.

Ipinagpaalam daw niya ito kay Mayor Vico Sotto ang pagtanggap ng naturang serye.

(Rohn Romulo)