Mataas na trust at satisfaction ratings ng Kamara, ikinatuwa ni Speaker Romualdez 

IKINAGALAK ni Speaker Ferdinand Martin Romualdez ang nakuhang mataas na trust at satisfaction ratings ng Kamara sa survey na isinagawa ng OCTA Research Tugon ng Masa (TNM).

Lumitaw sa isinagawang nationwide survey na 57% ng mga Pilipino ang may tiwala sa Kamara, tumaas ng 8% kumpara sa nakalipas na taon habang 55% ang pabor sa performance nito na tumaas din ng 8%.

“This trust is not about numbers—it is about people. It is about the Filipino family who looks to Congress to fight for them, to listen, and to deliver. These results tell us that what we are doing—every debate, every bill, every late night in session—is making a difference,” ani Romualdez.

Binigyang kredito nito ang mga miyembro ng kamara sa suporta at pagsusumikap na maisulong ang mga polisiya para sa publiko, transparent budget reforms, at mga hakbang na maglalagay ng pagkain sa hapag kainan, trabaho at iba pang oportunidad para sa lahat. (Vina de Guzman)