Mas maraming investments sa Pinas, tinitingnan ng Japan

INTERESADO ang Japanese corporations  na palakasin ang  partnership nito sa Pilipinas.

Layon nito na isulong ang “high-level” economic growth para maging  investment destination.

Ayon sa Presidential Communications Office (PCO), sinabi ni Japanese Chamber of Commerce and Industry (JCCI) chair Ken Kobayashi  na ang  “stable and high-level economic growth” ng Pilipinas sa nakalipas na taon ay nakapukaw ng atensyon at interest ng mga  Japanese investors para i-develop ang kanilang operasyon sa bansa, inaasahan na tataas ang bilang ng mga manggagawa at  domestic demand.

“In the Socioeconomic 8-Point Agenda that you have announced, Mr. President, prioritizes social security and the development of human capital. Also, it establishes the investment promotion, strengthening of digital infrastructure, the promotion of green economy, and so forth, through which you are aiming at expanding and creating jobs. And it is expected that in these fields that we can see the further promotion of the cooperation between our two countries,” ang sinabi ni Kobayashi sa  ginawang courtesy call ng JCCI kay Pangulong Ferdinand Marcos Jr. sa Palasyo ng Malakanyang.

Aniya, nagdesisyon ang JCCI na bumisita muna sa Pilipinas matapos magpadala ng economic missions sa  foreign countries simula pa noong COVID-19 pandemic.

Ang misyon na ito ay binubuo ng  70 miyembro, kumakatawan sa top management ng Japanese corporate world.

Ani Kobayashi  ang  JCCI  ay itinuturing na “largest business organization” sa Japan,  mayroon itong 1.25 million na kompanya mula  sa malalaking korporasyon hanggang sa  small- and medium-sized enterprises.  Mayroon din ang chamber ng 515 local chambers sa iba’t ibang lugar sa Japan.

Bilang tugon, sinabi naman ni Pangulong Marcos na kinikilala niya ang patuloy na pagtulong ng Japan sa Pilipinas pagdating sa  infrastructure development.

Aniya, ang bansa ay nahaharap sa bagong ekonomiya kung saan dapat lamang na mayroong mahalagang papel ang bagong teknolohiya  sa transpormasyon ng  global economy.

Maliban na isulong ang “infrastructure development, renewable energy, digitalization at telecommunications”, sinabi ng Pangulo na prayoridad ng Pilipinas ang agrikultura at climate change adaptation.

“There is the overbearing issue of climate change. This is something that we really did not have to deal with in the past. But it is something that is here and present and we feel the effects of the climate change, especially here in the Philippines already,” ayon kay Pangulong Marcos.

“Also, we have put great priority on the development of our agricultural sector. And again, we had some very interesting discussions with our Japanese counterparts concerning the areas of agriculture. And that is something that I think that we can – we need to develop and to continue. Again, the subject of climate change becomes part of that discussion as agriculture is very much affected by the effects of climate change,” dagdag na wika nito. (Daris Jose)