Martin ‘di makakalaro sa Gilas sa World Cup

Malabong makalaro si Fil-Am guard Remy Martin para sa Gilas Pilipinas sa 2023 FIBA World Cup na idaraos sa Pilipinas.

Ito ang inihayag ni Sa­mahang Basketbol ng Pilipinas (SBP) assistant exe­cutive director Butch An­tonio dahil pa rin sa patakarang ipinatutupad ng FIBA.

Base sa rules and regulations ng FIBA, kailangang nakakuha ng passport sa bansang kanyang nais katawanin ang isang indibid­wal bago tumuntong sa edad na 16-anyos.

Sa kaso ni Martin, naka­kuha siya ng Philippine passport noong 16-anyos na siya.

Kaya naman maituturing si Martin na naturalized player sa isang FIBA-sanctioned tournament kagaya ng pagturing sa iba pang Fil-foreign players na may parehong sitwasyon.

Nauna nang nagpaha­yag ng intensiyon si Martin na maging bahagi ng Gilas Pi­lipinas para sa mga international competitions.

Subalit matatagalan ito.

Mismong si SBP chairman emeritus Manny V. Pa­­ngilinan na ang lumili­gaw sa pamunuan ng FIBA upang magluwag sa patakaran.