Malalang puksaan sa upcoming satire comedy na ‘Red Crown’…Sparkle artists, game na makipag-bardagulan sa mga pageant veterans (ni: ROMMEL GONZALES) 

NAKAKALOKA talaga dahil ang akala ng marami na totoong beauty pageant, isa pala itong pelikula.

Bongga rin talaga ang pakulo ng GMA Pictures sa upcoming satire comedy na “Red Crown” dahil ang dami nitong napaniwalang totoong beauty pageant ang “Queen of the Islands,” ha!

Pero kahit pelikula lang at ‘di tunay na beauty contest, aba ang mga faney, kanya-kanya ng pambato.

Siyempre pa ang mga fans nina Sanya Lopez, Shuvee Etrata, Faith da Silva, AZ Martinez, Ashley Ortega, at Skye Chua – full-support sa kanilang mga idolo.

Pak na pak rin ang pagka-game ng mga Sparkle artists na makipag-bardagulan sa mga pageant veterans. 

Biruin mo makikipagpuksaan sila sa mga title holder na sina Ahtisa Manalo, Gazini Ganados, MJ Lastimosa, Ara Arida, Michelle Marquez Dee, Herlene Budol, Alethea Ambrosio, at iba pa.

Excited na nga hindi lang ang pageant fans kundi ang filmgoers sa nasabing pelikula. Say pa nga ng isang netizen: “Behind the scenes already looks exciting! Ready to see who will take the crown.”

Sa Oktubre na ipalalabas sa sinehan ang “Red Crown” sa direkyson ni Dominic Zapata.***

‘Delivery Boi’ stars, magpapakilig sa Tagaytay

PANIGURADONG mas magiging exciting ang weekend ng mga Kapuso dahil makakasama nila nang live ang cast ng “Delivery Boi” sa isang espesyal na #KapusoMallShow sa Tagaytay ngayong Sabado, September 5.

Maghanda na para sa isang fun-filled afternoon kasama sina Will Ashley, Mika Salamanca, Vince Maristela, at Yasser Marta, na magdadala ng exciting performances, good vibes, at mga nakakikilig na moments na siguradong tatatak sa puso ng lahat! Abangan sila sa #KapusoMallShow sa Main Activity Center, UGF, Fora Filinvest Malls, Tagaytay, simula 5 p.m.

Huwag palampasin ang chance na makasama ang mga bida ng “Delivery Boi”, mga Kapuso, lalo’t malapit na silang mapanood sa GMA!