Malalang korapsiyon sa Pilipinas

UNANG pumutok ang korapsiyon sa ating bansa matapos ipahayag ni Senator Manny Pacquiao na diumano’y talamak na ito sa ating pamahalaan at ito’y trumiple  pa kumpara sa nakalipas na administrasyon. Agad naman ito pinabulaanan ng kaslukuyang pamahalaan, anila ang naturang Senador ay namumulitika lang dahil sa kanyang political ambition kasabay ng isang hamon na pangalanan ang mga sangay ng pamahalaan na sangkot sa katiwalian at agad nila itong aaksyunan.

Makalipas ang ilang buwan ay agad naglabas ang Commission on Audit (COA) ng mga sangay ng pamahalaan na umano’y may irregularidad sa paggamit ng kanilang pondo. Ilan dito ay ang Department of Health (DOH)   at Department of Budget and Management (DBM). Ayon sa COA, bilyon -bilyong piso ang umano’y hindi nagamit ng maayos  o kaya naman ay over-price transaction. Napakalaking halaga na sana ay nagamit ngayong panahon ng pandemic. Kung saan ay marami ang nagugutom, walang trabaho at walang pambayad ng mga bills tulad ng kuryente at tubig. Totoo na walang malinis na pamahalaan sabi nga sa wikang banyaga ” You can’t erradicate corruption but it can be minimized.”

Ang isyu ng korapsiyon ay patuloy na lala kung ang isang pamahaalan ay bulag at inutil sa pag-aksyon laban sa katiwalaan. Na sa halip gumawa ng imbestigasyon ay puro pagtatakip at depensa sa mga government agencies na nadadawit sa irregularidad ayon na rin sa pahayag ng COA. (MANY MALDONADO)