Malakanyang, ayaw makisawsaw sa panibagong girian sa liderato ng Kamara

DEDMA lang ang Malakanyang sa umanoy pag-init na naman nang tunggalian sa pagitan ni House Speaker Alan Peter Cayetano at Cong. Lord Allan Velasco

Ayon kay Presidential spokesperson Salvador Panelo, ang mga kongresista lamang ang dapat na magresolba nang usapin at kung ano ang kasunduan na nabuo ang dapat sundin.

Wala ring nakikitang problema si Sec. Panelo dahil mismong ang House Speaker aniya ang nagsabing susunod siya sa kasunduan. Maging si Cong Velasco ay naglabas na rin ng pahayag na umabot sa Malakanyang na tatalima ito sa gentleman’s agreement nila ukol sa term sharing.

Ani ng kalihim, maliban na lamang kung direktang kakausapin ang Pangulo ay hindi ito maki-kialam sa umanoy labanan ng mga kapanalig nito sa mababang kapulungan ng Kongreso. (Daris Jose)