Malacañang sa publiko: Makinig ng SONA

HINIMOK ng Palasyo ng Malacañang ang publiko na makinig at panoorin ang ika-apat na State of the Nation Address (SONA) ni Pangulong Ferdinand Marcos Jr. ngayong Lunes, Hulyo 28.

Sinabi ng Presidential Communications Office (PCO) na mahalagang mapakinggan ng sambayanan ang mga tagumpay ng Marcos administration nitong nakalipas na taon gayundin ang mga susunod na plano para sa kapakanan ng mga Pilipino.

Bagamat abala aniya ang Pangulo ay patuloy ang paghahanda nito para sa kanyang ika-apat na SONA, partikular ang balangkas ng magiging laman ng kanyang ihahayag sa taongbayan sa Lunes.

Matatandaan na sinabi ni Marcos na halos patapos na ang draft ng kanyang magiging speech at kahit abala ito sa kanyang mga aktibidad pagda­ting mula sa Amerika ay inaasikaso nito ang kanyang paghahanda para sa kanyang nakatakdang SONA.

Wala naman ibinigay na ibang detalye ang PCO kaugnay sa mga ginagawang paghahanda ng Presidente para sa kanyang SONA bukas.