Malabon, nakahanda sa Super Typhoon Inday

PINANGUNAHAN ni Mayor Jeannie Sandoval ang pagsisikap ng Pamahalaang Lungsod ng Malabon sa paghahanda sa posibleng epekto ng Super Typhoon Inday (Bavi) para sa muling pagpapatibay ng kanyang pangako na pangalagaan ang bawat Malabueno sa panahon ng emergency.

Ani Mayor Jeannie, bago pa man pumasok sa Philippine Area of Responsibility ang Bagyong Inday ay nakahanda na ang mga kagamitan at pati ang mga response teams na agarang darating kung sakaling magkaroon ng hindi inaasahang sitwasyon dulot ng malakas na pag-ulan o pagbaha. (Richard Mesa)